Achegamento aos insectos de Ventos

A actividade comeza cunha charla introdutoria sobre a bioloxía dos insectos: anatomía, grupos principais, curiosidades, métodos de estudo e achegamento e a continuación realizarase un obradoiro de confección de capturadores de insectos, a partir de envases de vidro e materiais comúns. Posteriormente poñeremos en práctica o aprendido e trataremos de capturar e estudar insectos e outros invertebrados, empregando capturadores e material óptico (lupas de man, binoculares, entre outros). Ao remate da actividade serán devoltos ao medio sen dano: non se fomentará o coleccionismo indiscriminado. Para rematar construiremos un hotel de insectos para fomentar a biodiversidade no contorno do Couto. Data: sábado, 5 de abril de 2025 Horario: ás 11:00 h (duración aproximada 2 horas) Lugar: centro cívico social do Couto. Destinatari@s: dirixido a nenos e nenas de 6 a 12 anos e as súas familias. Poderán asistir un máximo de 25 nen@s, que irán acompañad@s de, como mínimo, persoa adulta. Organiza: Servizo de Normalización Lingüística – Concellaría de Política Lingüística do Concello de Narón (proxecto Guizo) Actividade de balde, mais precisa inscrición previa. TODA A INFORMACIÓN AQUÍ: preme aquí

Cine nas Pontes: "Super wings. Máxima velocidad"

O avión máis rápido do mundo, Sky, debe salvar o planeta do vilán dos xoguetes. Nun mundo onde os xoguetes volvéronse impopulares, o vilán Billy Willy prepara un plan aterrador para secuestrar ás estrelas de Youtube e lanzalas ao espazo. Poderá Sky salvar a Terra con Maximum Speed? Pases o sábado 5 de abril ás 17.00 e domingo 6, ás 16.66h Casa Dopeso <a class="x1i10hfl xjbqb8w x1ejq31n xd10rxx x1sy0etr x17r0tee x972fbf xcfux6l x1qhh985 xm0m39n x9f619 x1ypdohk xt0psk2 xe8uvvx xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd x16tdsg8 x1hl2dhg xggy1nq x1a2a7pz xkrqix3 x1sur9pj x1fey0fg x1s688f" tabindex="0" role="link" href="https://aspontes.sacatuentrada.es/?fbclid=IwZXh0bgNhZW0CMTAAAR1SkB3VBbVw-oJ9XUtzqsW0isQsc6WUrjw8bHp-YlWLDYxSe45q-4jxlvc_aem_EO_YKEf7FWawN-lUwMb7DA" target="_blank" rel="nofollow noopener noreferrer">https://aspontes.sacatuentrada.es/

Narración ilustrada e obradoiro de debuxo: Homenaxe a Díaz Pardo

XOVES NA BIBLIO. "Homenaxe a Isaac Díaz Pardo", con Lela Edicións Narración ilustrada e musicada arredor de Isaac Díaz Pardo e do Día das Artes Galegas, deste ano 2025. Ao remate, farase un obradoiro de debuxo relacionado coa narración no que se traballará a memoria e a psicomotricidade. 3 de abril de 2025 18:00 horas Casa Dopeso A partir de 5 anos

Cine nas Pontes: "El día que la tierra explotó"

Looney Tunes: El día que la tierra explotó Sábado, 29 de marzo | 17:00 horas Domingo, 30 de marzo | 17:00 horas Pases na Casa Dopeso 🎟️ Venda de entradas: https://aspontes.sacatuentrada.es/

"A cincenta que non quería comer perdices" no Pazo da Cultura de Narón

A CINCENTA QUE NON QUERÍA COMER PERDICES - TEATRO CONTEMPORÁNEO - GALEGO | SARABELA TEATRO OBXECTIVOS: Promover a igualdade de xénero e previr condutas de violencia machista. Fomentar as relacións afectivas sas e responsables. Este conto podería comezar dicindo: “Unha vez había unha moza que non estaba soa e unhas perdices que voaban felices”, pero non. Esta historia, escrita por Nunila López Salamero, fálanos dunha moza perdida que pretende desmontar os falsos mitos ao redor do amor romántico. Fálanos de tantas historias de princesas liberadas por príncipes azuis que, en demasiados casos, saen ras. “A cincenta que non quería comer perdices” é un conto moderno para nenos/as? que revisa con humor o papel que desempeñou a muller durante moito tempo. É un alegato que defende a liberdade de ser quen unha queira ser e como unha queira ser. Esta peza pon en cuestión o papel que xogaron na historia os contos de fadas nos que se acaba por promover o rol das nenas como entes pasivos agardando a que lles pidan a man. “A cincenta que non quería comer perdices” fala de temas tan de actualidade como a violencia de xénero, que segue sendo un problema entre os máis novos. Abonados e tarifa reducida: 6,65 € Menores de 14 anos: 5,50 € Público xeral: 9,50 €

"Lúa quere viaxar a... Marte!" no Pazo da Cultura de Narón

FAMILIAR E INFANTIL (a partir de 3 anos) - MONICREQUES - GALEGO | COMPAÑÍA A XANELA DO MAXÍN Despois de dar a volta ao mundo, Lúa sorprende a familia e amizades cunha gran nova: agora quere ir a Marte! Malia todos os atrancos e dificultades, Lúa non está disposta a renunciar ao seu soño de ser astronauta e fará todo o posible para logralo e poder así viaxar a Marte. Unha actividade para fomentar a igualdade de oportunidades entre homes e mulleres. Hai e houbo grandes mulleres científicas, investigadoras e astronautas, que son o referente de Lúa para seguir adiante e enfrontarse aos impedimentos que se lle queren impoñer. PREZOS: Abonados e tarifa reducida: 6,65 € Nenos e nenas: 5,50 € Público xeral: 9,50 €

"Menú máxico de contos" na Biblio das Pontes

"Menú máxico de contos" con Cris De Caldas De entrante, unhas adiviñas e roliños de poesía con salsa agridoce que dan alegría. Un segundo prato para escoller, entre conto tradicional cunha bruxa descomunal ou un conto diversamente necesario e contado a baixa temperatura. Remataremos cunha sobremesa de lingua chocolatada de pop-up. Con esta proposta de menú, cada quen pode xantar aquilo que máis lle preste. Isto é a maxia do contos contados! 27 de marzo de 2025 18:00 horas Casa Dopeso A partir de 3 anos

Debuxando letras nos Xoves na Biblio das Pontes

"Debuxar letras" Obradoiro de Lettering, impartido pola debuxante e ilustradora Alba Farto. O Lettering é a arte de debuxar letras bonitas. Consiste en debuxar letras a man e fálase de debuxar e non de escribir, xa que cando escribimos facémolo de xeito mecánico e cando debuxamos pensamos no resultado e no estilo. Nesta actividade, dirixida á rapazada con idades comprendidas entre os 6 e os 14 anos, aprenderanse os primeiros pasos na técnica do Lettering e sentaranse as bases para seguir practicando na casa. Xoves 20 de marzo de 2025 17:30 horas Biblioteca Municipal A partir de 6 anos Prazas limitadas, inscrición en 981 102 562. Ver menos

"Peques e heroas" na Biblioteca Municipal de Neda

Espectáculo de narración oral para o público infantil, de entre 3 e 9 anos . Trátase do contacontos “Peques e heroas”, de Manuela Varela, centrado nos estereotipos de xénero e na igualdade. Esta nova entrega do ciclo Lesme un conto? poderá desfrutarse no espazo cultural, a partir das 12.30 horas. Diversión asegurada para os nenos e nenas da casa!! A actividade, organizada polo Concello, conta coa colaboración doPacto de Estado contra a violencia de xénero.

Cine nas Pontes: "Mary Superchef"

Mary ten 11 anos e unha paixón irrefreable pola cociña: soña con converterse nunha gran chef. A súa avoa Emer, coa que mantén unha relación moi especial, anímaa a facer realidade este soño. Pero en todo camiño hai escollos e enfrontarse a eles convértese ás veces en toda unha aventura. Por iso, Mary emprende unha viaxe que lle obriga a traspasar as barreiras do tempo e no que catro xeracións de mulleres reúnense para coñecerse a fondo e sen andrómenas. Dos pases, o sábado e o domingo: Sábado, 15 de marzo 17:00 horas Domingo,16 de marzo 17:00 horas

Próximos Eventos – Página 2 – DeExcursión: rutas escolares por Ferrol, Eume e Ortegal

No se ha encontrado ningún resultado.

No se ha encontrado ningún resultado.

Lista
Mes
Día