Este museo é único en Galicia. Centrado no humor e a risa, o seu obxectivo principal é entreter e divertir ás personas que por alí pasen. Fundouse en 1984 da man do debuxante Xaquín Marín, quen ademais de fundador, foi director da entidade os primeiros 25 anos.

A forma galega de interpretar o humor parecía que estaba por desaparecer antes da fundación do museo, motivo polo que en 1983, Marín e Siro López percorreron Galicia cun manifesto en defensa do humor co que se pretendía concienciar á poboación galega.

A arte axuda a fomentar a creatividade dos nenos e nenas e promove o coñecemento cultural e a sensibilidade. Este non é un museo no que aburrirse, senón todo o contrario. Unha visita a estas salas permite achegarse á figura do seu impulsor, pero tamén a outros moitos humoristas gráficos galegos, como Siro López, Reimundo Patiño, Quesada, Forxán, Luís Davila, Pinto&Chinto, Andrés Meixide, Kiko Dasilva, Leandro Barea ou Miguelanxo Prado…

Situada entre dúas rías, Fene é unha localidade moi ligada ao mundo do mar, sobre todo pola súa forte vinculación coa construcción naval e os estaleiros, que se remonta a mediados do século XX.

Actualmente, neste concello pódense realizar diferentes actividades de ocio activo na contorna marítima, moi interesantes para levar a cabo co alumnado de diferentes etapas educativas nas épocas de bo tempo, como pode ser a finais de xuño ou a principios do curso escolar, en setembro ou outubro.

As praias deste municipio, cunha orientación privilexiada, son na súa totalidade de ría, de pequenas dimensións, con area fina, augas tranquilas e limpas. Pouco concorridas e de fácil acceso, estas calas posúen paisaxes naturais de gran beleza e valor paisaxístico. Nelas pódese realizar algún tipo de actividade ou deporte náutico, como o piragüismo, a vela ou o palasurf.