Concerto: Pakolas, Rockeando con Ramona Órbita. A dona do tempo

Pakolas presenta neste show o seu último librodisco no que conta e canta as historias de Ramona Órbita, unha muller labradora da Serra do Courel que posúe unha horta cibernética na que «cosecha» patacas automáticas. Ademais, Ramona ten unha máquina do tempo inventada por ela mesma. Grazas a ela pode transportarse ao pasado e coñecer a importantes figuras históricas e tamén ao futuro para traer ao presente a tecnoloxía necesaria para crear un mundo mellor, máis ecolóxico e con enerxías limpas.