Rosa Caramelo e outras historias

A compañía Talia Teatro trae este sábado, a partir das 19 horas, á Casa da Cultura o espectáculo familiar “Rosa Caramelo e outras historias”, baseado nos contos de Adela Turín. Unha obra, destinada aos máis cativos da casa, na que se lle da a volta aos tradicionais roles e estereotipos de xénero. A montaxe, con música en directo, forma parte das propostas a prol da igualdade que impulsa o Concello de Neda, con fondos do Pacto de Estado contra a Violencia de Xénero. A entrada é de balde.