Ghazafelhos

Teatro Ghazafelhos representará a obra «As mil e unha noites» no patio do colexio Santa María das Pontes.  A compañía fai nun espectáculo de rúa unha reinterpretación dende o humor do relato As mil e unha noites. O público é convidado a sentar arredor do carromato por uns xenios zancudos. A través dunha sorprendente escenografía, e dun ambiente máxico de teas, coxíns, incenso… un narrador introdúcenos nunha historia capaz de nos transportar á antiga Persia pero… faltan personaxes para tan poucos actores, así que precisarán da participación activa do público para lograr contar as historias.