Festa infantil de Nadal

É unha actividade festiva pensada para nenos e nenas con idades comprendidas entre os 3 e os 11 anos. A programación estará marcada polos xogos cooperativos, a música,  o baile e os obradoiros, que encherán o tempo dos cativos/as antes da chegada do Apalpador. O mítico carboeiro baixará das montañas con petos cheos de castañas e agasallos para os máis pequenos. A participación é gratuíta pero haberá que apuntarse previamente na Casa da Cultura ou a través do correo electrónico agustin.perez@sansadurnino.gal. O prazo finaliza o venres 20.