Cariño ten a súa o orixe na época dos castros. De feito, moi cerca da zona histórica consérvase un castro da Idade de Ferro que puido estar habitado no 3.000 a. C. A praia da Concha é outro dos lugares a ter en conta á hora de visitar Cariño, xa que pode ser un atractivo para os escolares se o tempo o permite. Ten un paseo marítimo que percorre todo o areal e conduce ata a ruta de sendeirismo de Figueroa. Outra visita obrigada son os miradoiros, que ofrecen unhas vistas excepcionais de todo o pobo e que son os da Rúa Antiga, o Pósito e o Castro. Como actividade complementaria é recomendable unha visita á nave das redeiras -tamén chamadas atadoras- que reparan de xeito artesanal as redes de pesca.

Pódese observar a súa beleza desde o miradoiro do Cabo Ortegal, que conta tamén cunhas vistas impresionantes aos Cantís de Herbeira e do Limo, os máis elevados de toda a Europa Continental, cunha pendente de 80 graos. A nivel xeolóxico, podemos atopar unha das concentracións mundiais máis importantes de Ecloxitas e Piroxenitas, ademais da existencia de diferentes tipos de Granulitas. Cariño forma parte do Proxecto de Xeoparque Cabo Ortegal. A zona de Ortegal é perfecta para a observación de diferentes tipos de aves grazas á existencia de áreas protexidas no municipio para practicar “birding”. Centos de aves pasan cada ano polas costas na súa ruta migratoria e máis de 10.000 especies se xuntan na ría durante o inverno. Ademais de aves, é posible tamén a observación de cetáceos como delfíns ou baleas viaxeiras.

Aínda hoxe seguen funcionando algunhas destas fábricas e constitúen un referente moi importante no seu sector. Unha delas é a Conserveira La Pureza, pertencente á familia Docanto e que está en activo desde 1924. Elabora conservas de peixe e mariscos de forma artesanal, ademais de marmeladas e conservas vexetais que distribúe a través da marca Amieiro. Ofrecen visitas guiadas para que os escolares poidan ver cos seus propios ollos o proceso de enlatado dos produtos, ademais de coñecer como se seleccionan as materias primas e os estritos controles de calidade que teñen que superar.